鄭中基（Ronald）由當年的壞男孩變成今日的好老公、好爸爸，不時在社交平台曬幸福，分享一家四口的合照，以及與太太余思敏的恩愛照片。Ronald今日在社交平台分享他和太太帶同8歲大女鄭梓喬（Emma）及4歲細仔鄭梓仁（Evan）去迪士尼樂園玩的照片，Ronald與兩個小朋友穿上同款T恤。他留言︰「舊年去迪士尼樂園，細佬仲未夠高玩啲機動遊戲，今年終於得償所願啦﹗#佢問我SmallWorld點解唔Small #應該點答 #其實都好熱鬧喎」
（即時娛樂）
一家四口去主題樂園玩 鄭中基畀4歲細仔問題考起......
