上次講完蘇梅交通攻略及住宿分享，今次就同大家分享我在蘇梅行程啦。蘇梅交通不便，所以好多人都會在出發前預訂當地的day trip，出海遊玩或觀賞古蹟，免卻計劃行程的煩惱。不過Sally仲懶，基本上留在度假村內消遣，再靠酒店幫忙安排不同活動，例如烹飪班、探索紅樹林或出海浮潛等，而且更可於入住時才查詢預約，最後Sally什麼都沒有準備，但都行程滿滿，過了一個既充實又悠閒的假期。
燒烤之夜及玩火表演
第一日到埗酒店已3點多，便選擇留在度假村內，享用房內的私家泳池，然後在晚上參加逢周末在Essence餐廳舉行的BBQ night及Fire show。起初Sally以為BBQ night是自己的肉自己燒（慣了香港模式），原來是一個價錢任食，更有專人幫你燒肉，亦有前菜、水果及甜品等供應。BBQ night由晚上6點半開始，到了8點，一場真狂熱、堅精彩的Fire show就會在沙灘上演，全部係用真火上陣，剩係喺旁邊睇都覺得好刺激，最後一個表演仲好壯觀同好靚！
出海浮潛
第二朝酒店幫我地安排了boat trip，坐著東南亞傳統船隻「Long tail boat」，於酒店內的沙灘出發，超級方便。由一位泰籍船家兼導遊帶我們出海，去了一個人煙稀少的美麗小島浮潛及玩水，酒店更為我們準備好午餐，眨下眼就過了一個早上，整個行程大約3小時。
水療按摩
來到泰國又點少得做spa？出完海，我們留在酒店做spa，放鬆一番。其實酒店內的spa比出面起碼貴一倍以上，但因為佢地畀咗折扣我地，就本住「人一世，物一世」的心態去試下啦，結果簡直覺得物超所值。
我們揀選了做60分鐘招牌按摩，不但做spa前後均有提供飲品，按摩師事前更會替你做問卷，細心了解你的需要，是要徹底放鬆，還是提升精力。然後挑選自己喜歡的精油味道，換好衣服就可進行按摩。雖然沒有拍下按摩房的照片，不過那裡環境幽靜，緩緩音樂教人心境放鬆，更不得不提，按摩師的手勢十分之好！
遊拉邁夜市
蘇梅的夜市有幾個，除了最大型的「查汶夜市」星期一至六都有開，其他的夜市都會在每星期只開一日，大家想去某一個夜市的話，記得留意它的營業時間。我地今次就去了只於星期日營業的「拉邁夜市」，位於蘇梅島的南側，基本上都係坐篤篤或的士前往。拉邁夜市與一般夜市一樣，有多款美食檔攤，Sally同朋友們都瘋狂掃街。至於購物方面，大部分都係遊客產品，而且同一商品會重複在多檔見到，沒有太大特色，價錢又貴，所以Sally覺得來醫肚就好，除非是逼不得已要買手信，如果唔係都唔會買到啲咩啦。
拉邁夜市
營業時間：逢星期日下午五時至晚上11時
地址：拉邁海灘路
瑜伽兼打卡
最後一日因為我地11點就要去機場，所以我哋冇特別行程，早上在酒店做專為初學者而設的免費瑜伽，然後食埋早餐，留在酒店內影相打卡，咁先證明到自己過咗個寫意悠閒的假期架嘛。
Avani+ Samui Resort（@avanisamui）分享的帖子 於 PST 2018 年 12月 月 14 日 9:17 下午 發佈
Avani+ Samui Resort
地址：53/5 Moo 4, Phang Ka, Taling Ngam, Koh Samui, Surat Thani 84140
網址：www.avanihotels.com/en/samui
