民陣今日再舉行反送中遊行，正值是父親節。組合 Shine 成員徐天佑今日在 Facebook 悼念亡父，同時為遊行人士加油：「我老竇生前好撐我，如果佢仲在生，今日我一定會捉佢去街度行返幾粒鐘。」
徐天佑父親在 2012 年離世。徐天佑今日在 FB 發文，「我老竇生前好撐我，如果佢仲在生，今日我一定會捉佢去街度行返幾粒鐘，然後好快佢就一定會話攰，要嘆杯奶茶。我一定會同佢去，憤怒的燒味舖，然後飲杯奶茶吹返幾粒鐘。如果有如果，能夠咁樣慶祝父親節，我滿足了」。
他又在文末寫下「加油」、「安全」的標籤，為遊行人士打氣。
徐天佑近日多次就《逃犯條例》修訂表態，是少數願意開腔的本地藝人。早前他將社交網站頭像轉為全黑，卻被網民留言挑釁「奀星做乜轉頭像？」徐天佑當時霸氣反擊：「關你叉事」。
昨日特首林鄭月娥宣布暫緩修例，又形容警方近日執法是理所當然、天經地義。徐天佑亦發文揶揄：「我暫緩做緊嗰首新歌，然後又加左句歌詞入去『理所當然，天經地義』。」
守護言論與新聞自由。立場新聞，寸步不退。
每月贊助支持立場新聞
