12.8 民陣大遊行，X 先生帶同年滿 5 歲的女兒參加，他表示，自 6 月起，每場合法遊行都同女兒一起行，起初是為了下一代著想，因為「知道修訂逃犯修例唔啱」，但運動發展至後期已經不再局限於反修例，隨之衍生的更多問題使他覺得「真係忍無可忍」。
他稱，半年前，他從未想過要和政府「攬炒」，但現時「真係頂唔順政府所作所為」，亦不希望政府「當無事發生過」。為了被捕、被檢控的人士，現時他亦抱有「攬炒」想法，「我哋唔好過，你哋都唔好過囉」。
對於運動至今已經半年，他坦言「嚟緊都唔太樂觀」，但「都係嗰句，唔係因為有希望先堅持，而係一直堅持先有希望」，寄語港人能一直堅持。
他透露以前會聯同妻子及現時 11 個月大的孩子上街遊行，但鑑於近期情況，他們認為不便帶同 BB 出席，故今次只有他和女兒參與。他表示，最近警方在合法的集會上發射催淚彈，確實使他「驚」，但「驚都要出嚟」，「冇得退」，唯有盡早出發，「快啲行完快啲走囉」。
記者在上前訪問時，聽到 X 先生拖著女兒，問：「開唔開心呀？又有得行馬路啦！」
守護言論與新聞自由。立場新聞，寸步不退。
每月贊助支持立場新聞
