喺娛樂圈不時傳出女藝人整容嘅傳聞，好似唐詩詠咁，早前就傳出佢面部加工，睇番佢啲相，個鼻又真係畀正常高，難怪會有人懷疑動過刀！新正頭唔少得拜年嘅環節，喺同親友傾偈時，唐詩詠終於知道佢個鼻高人一等嘅原因，原來佢嫲嫲係荷蘭加印尼嘅混血兒，傳到落去佢個度，係有8分1嘅外國人血統，所以佢個鼻比人高係正常。最搞笑係唐詩詠38年嚟都唔知自己係福建加印尼加荷蘭混血兒，呢個鼻高之謎終於喺拜年活動中解開咗，佢喺社交網留言話叫人唔好再問佢點解個鼻會咁高，因為佢有個「荷蘭鼻」！
東網網站 : https://on.cc/
東網Facebook專頁 : https://www.facebook.com/onccnews/
