識飲識食
青紅蘿蔔湯絕對係我嘅一個情義結，當然除左有意思之外，簡單易煲又好飲都係一個非常重要因素，所以我煲青紅蘿蔔嘅次數絕對係最多嘅。
當然好飲都唔可以成日都一樣嘅(我家中兩位老細都幾難服待哈哈哈)，就係咁我成日周圍請教朋友有咩好配搭，今次又學到新嘢，將青紅蘿蔔加蟲草花同埋螺片一齊煲湯，既可以益肺健胃，又可以增強免疫力，而且個味道都真係好好飲添呀~
紅蘿蔔含維他命A、B1、B2和C，更含大量胡蘿蔔素，能補血強身，滋潤解燥，驅胸鬱悶，調整腸胃，降火氣；青蘿蔔能清熱，有健胃化痰，滋潤助消化的功效；蟲草花就有滋肺補腎護肝、抗氧化、防衰老、抗菌抗炎、鎮靜、降血壓、提高機體免疫能力等作用。而且蟲草花不寒不燥，具有補肺、補腎和護肝養肝的功效；螺片有滋陰補腎及健肝益脾的功效，同時亦有助調理身體及腸胃；陳皮理氣健脾、燥濕化痰；蜜棗止咳潤肺、化痰平喘功效；南北杏可止咳下氣，潤燥消積。(網上資料)
紅蘿蔔兩條、青蘿蔔一條、蟲草花一両、螺片兩塊、南北杏一湯匙、蜜棗三粒、陳皮1角及瘦肉約$40~
螺片先浸至軟身(最少30分鐘)~
蟲草花浸軟身之後，然後要擠乾水份~
溫馨提示：
- 由於個別人仕體質不同，所以大家記得煲之前了解下自己，如有疑問，請先向註冊中醫查詢！
*本文章的內容若未經授權，不得轉載
