近期有本書好火，火到男女都爭住話要睇，但本書唔係教你如何執劑，反而集中討論女權主義性愛方面立場。咁女權主義關男人咩事？咪八卦囉！莫講話男人，其實女人都搞唔清何謂「女權主義」定義，而涉及性生活就更加答唔到嘴，坊間不少女性以為「床上做男人所做」就等於「女權」又或「拒絕迎合男士要求」就好女權，呢個觀念絕對係錯嘅！
根據插畫家兼作家Flo Perry著作嘅新書《How to Have Feminist Sex》所解釋，女權主義係擁有自己想擁有嘅性愛，而不是你以為應該擁有嘅性愛，即係毋須透過色情電影、性教育、媒體廣告甚或父母灌輸性概念而被洗腦。而Flo Perry之所以寫呢本書，皆因佢明白到性愛同女權主義一直都係具爭議嘅話題，例如女性想同對手搞足一整晚，高潮無限，係咪代表女權？又何解所謂「女權主義者」都反對性工作合法化？主流色情又係咪有道德性要遵守？作者透過文字加大量插畫替大家了解一下，冇話有絕對標準，但每個人都可以重新認識自己，睇咗冇蝕底！
東網網站 : https://on.cc/
東網Facebook專頁 : https://www.facebook.com/onccnews/
