藝人鄧洢玲（阿旦）後日（22日）就踏入35歲，趁住尋日天氣晴朗，阿旦相約一班朋友包括楊柳青等去沙灘同陽光玩遊戲，朋友們更好有心送上生日蛋糕，為佢提前慶生。壽星女其後換上藍色三點式，騷出32E豐滿上圍同纖腰，相當吸睛！佢哋仲大擺甫士影靚相，一口氣挑戰多個高難度動作，又齊心合力擺出三角形，網友大讚呢個「人肉三角形」相當強大，體能冇番咁上下都做唔到！而另一張相見到其中一位男友人捐入呢個「最強三角形」影合照，好多網民都直呼好羨慕呀！
東網網站 : https://on.cc/
東網Facebook專頁 : https://www.facebook.com/onccnews/
