請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

旅遊

【斯洛伐克】慢活於山中@Ždiar

鋒加西亞 - 德國工作假期後的世界流浪

發布於 2020年03月31日03:52 • 鋒加西亞

在斯洛伐克的第5日,床都未訓暖,凌晨4點半就爬落山坐第一班巴士去下一站Ždiar

 

又咩地方嚟ga???

 

玩斯洛伐克,大部份旅客都係於維也納身痕悶悶地,咪坐粒幾鐘船到首都布拉迪斯拉發Bratislava打個白鴿轉囉,同坐船去澳門無乜分別 我起初都係咁,誰不知係Bratislava既hostel飲酒時口痕問個bar tender有咩玩,佢把口就如黃河泛濫一發不可收拾! 神速plan左斯洛伐克兩星期行程比我! 鬼有咁多時間咩!!!????? 精簡後,佢最重點推薦我既,就係位於「下塔特拉山國家公園 Národný park Nízke Tatry」東北近邊境既小村落Ždiar,話果度先係斯洛伐克旅遊的精髓! 村內的Ginger Monkey Hostel,更係國內長年no.1既青年旅館。 既然本地人讚到咁誇張,當然要去會一會佢啦!  

 

 

 

 

 

  由Banska Stiavnica出發不停轉巴士既呢6個鐘裡面,我每轉一次就驚一次落錯車搭錯車,因為呢度一班車隔好耐! 而重點係言語真的完全不通! 更重點係假如錯左留落街頭,出面係零度緊而我得秋天衫ja!!!!!! 好彩! 幾經辛苦終於成功到達………其實都唔好彩,話說我落車搵唔到去hostel條路,遊完過高山遊完過谷+涉水過河攪左成個鐘,發覺唔對路返返原路,問第3次人先知hostel離車站只需行5分鐘……    

 

 

 

 

 

 

Anyway,究竟呢個偏遠到去最近城市都要坐45分鐘巴士既小村落,有d咩精彩驚奇事等緊我去發掘呢??~~~~~~

 

"You can do nothing!" Hostel主人Dave and Rebecca以認真兼純真的笑容對我說。

 

當時,我O大個咀,幾乎爆出一句”八”字頭既日本四字真言 ------ 山長水遠嚟到竟然話無野做,仲叫我咩都唔好做? 喂我時間好趕仲要去匈牙利ga!!   最終,原定只留一日一夜時間不足既我,係呢個偏遠山谷足足延期逗留左3日3夜! 點解會咁ge??  

 

 

 

 

 

 

   

 

 

 

睇完上面d相,似乎都唔使解啦下話 晴空下山谷散步,晨光中溪澗閒遊,再趟在山坡草原上靜看日落西沉 走累了,就坐在旅舍屋簷下的木製長椅,邊細啜熱朱古力,邊細賞白雲變化 晚上,則和hostel五湖四海新相識到餐廳一人一個pizza,無聊到為隻噴火辣椒同支garlic sauce笑成晚,再在銀河星光陪伴之下半醉回家~ 如斯生活,簡直就係退休老人無野做,點會諗過會係一個後生青年人既旅遊行程呀?  

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

    的確,係Ždiar我真係唔知做過d乜,純粹就係行、企、食、訓,無咩特別驚世世駭俗的醉人風景,甚至連日落都遠遠不及歐洲其他地方壯麗 但這3日簡簡單單的慢活細走,卻是我整個東歐行程最令人回味的時光 香港人習慣連旅行都要滾水淥腳填滿哂行程,卻甚少去靜靜感受當地人的生活,領略生活的意義 旅行是一個放鬆自己、自我反思的過程,如果連旅行都趕頭趕命不停衝衝衝,咁和日常上班有咩分別? 以無劍勝有劍,以無法為有法,不刻意追求反會得到更多 在這個名不經傳的山中小村中,雖然只係少少,但我好像慢慢明白到咩叫“you can do nothing"了  

 

 

 

 

 

 

 

 

 

 

 

 

 

 

(一世難忘的Hostel,聽聞現已轉手,呢對情侶主人唔知而家點呢)   ==========================   話說某日發現當年呢篇寫得太hea,發神經重寫於2018.02.25   原文: 《德國working holiday第十六章 : 斯洛伐克遊記之三 – do nth@Zdiar》  https://blog.ulifestyle.com.hk/blogger/aeolusgarcia/2013/10/0017-2/   ================== ============================
原文於旅遊Blog :
鋒加西亞 – 德國工作假期後的世界流浪
Instagram : 
https://www.instagram.com/fung_garcia_backpacker/
Youtube Channel : 
鋒加西亞 / 旅人瘋語
Facebook Page : 
www.facebook.com/Garcia.in.Germany
Email :  funggarcia@gmail.com

0 0
reaction icon 0
reaction icon 0
reaction icon 0
reaction icon 0
reaction icon 0
reaction icon 0