鄭秀文(Sammi)與梁詠琪(Gigi)於1996年在電影《百份百感覺》中合作,相隔廿多年再於《八個女人一台戲》結片緣。對於再次合作的感覺?Sammi表示:「每個人經歷一定會令人成長,現在大家各有家庭,而有家庭之前又各自經歷不同的事,我覺得Gigi是更加成熟,更加OPEN,有種自然奔放,後生時無咁奔放。」Gigi承認大家真的成熟了,自己亦放開不少,對事業一直比較隨心,以往一些所謂冤屈、委屈,都是自己想出來的,現在識得放下,活得自在好多。
至於眼前Sammi有否不同感覺?Gigi說:「以前活動很多,大家無深交去說話,今次拍戲等埋位時候會傾好多偈,大家人大了又成熟了,個心自然打開。(Sammi以前出名難相處?)點解呀?(Sammi在旁叫出花名No.4)無,完全無,平時工作好匆忙,今次好多時間傾偈,好舒服,是好舒服朋友,有時人與人相處之間交往是好微妙,有時你等我打開個心,你又等緊,今日大家遇到,原來大家都打開咗個心,乜都會傾。」
追問二人有否想過退休?Sammi表示:「無,不過曾經過程會有想過,譬如患上抑鬱症時候,又不是真正去想復出或放低,是想休息,什麼都不理,想病一輪再算,現在就無這個心態,因為覺得有些事想去做,仲可以發揮下自己,除非有一日我無晒演藝熱情,我就一定會退出。」Gigi亦表明暫時無此想法,同樣好有熱誠去嘗試其他工作。
欲知專訪詳情,請留意明天(4月19日)明報娛樂。
(即時娛樂)