台慶劇《多功能老婆》將於下周一（25日）開播，劇中演員近日忙於為劇集宣傳。而朱晨麗（朱朱） 一蒲頭就變身「黑臉女神」，與一班姊妹敷黑面膜扮靚靚。
朱朱在劇中飾演熱衷打扮的靚太，成日購物、買衫、修甲、美容，特別喜歡敷面膜，不時都會買很多新款面膜和姊妹們分享。平時是慳妹的朱朱，在劇中一嚐購物狂滋味，還可以乘機敷面膜美容。
提及扮靚，朱朱表示很喜歡網購，而且是格價專家，「上網買嘢平好多㗎，好多時拍劇未埋位冇乜嘢好做就會上網買衫，主要買定平時做訪問、出席活動、商演時穿，我唔一定要買名牌。喺網買嘅衫都好靚又平，最緊要唔洗出街，拍劇太忙，根本冇時間逛街買衫。就算出街，都係極速Shopping嗰隻，我會一早搵定目標，睇準晒款式、顏色、尺碼，查定店舖位置存貨，去到店舖就會即買，好快手，試都唔洗試，買完即跳上車。」
