今早繼續有人離開被警方圍困的理工大學，束馬尾的中四女生曾同學，撓著手站在一旁等候，她中學的校長到了理大 A core 正門，準備陪她與另一名同學，一起到警察防線離開。
「根本就無得走！」她憤怒地說。臉色蒼白的她已「通頂」四日。「Z core 斷咗橋，呢度又守唔到，走又走唔到！」
她昨晚曾經嘗試找出路，到某個位想找「家長車」搭，因為夜晚光線差的關係，他們差點衝到在前面一聲不嚮在守住的兩名防暴，結果又要折返校園。
過去幾日理大成了「圍城」，曾同學說有逾百人成功從不同途徑離開，包括行山、游繩、突圍「怒跑」400 米等。瘦削的她說自己力氣不續，沒有睡，也因物資不足而沒有進食，無計可施下唯有聯絡校長幫手。
「我已試咗兩日（搵路），我無諗過搵校長，我唔信啲狗。我唔想俾人拉！要拉我寧願安全咁俾人拉。」她說。「我好後悔入咗來嚟，我哋入嚟救佢哋，啲 Poly 仔就走曬，琴晚剩喺度好多都唔夠 18 歲，當我地 condom？」
她突然流下淚，憤怒地說:「我唔甘心啊，覺得好絕望，明明係可以走到，但係啲人趕住返屋企，未 plan 好就衝出去，一個位太多人去又黃咗。我淨係想返屋企。」
校長上前著他們開始行，她最後說會繼續抗爭，「唔出來就一定輸」。
守護言論與新聞自由。立場新聞，寸步不退。
每月贊助支持立場新聞
