請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

娛樂

【公子會】爆老公求婚地點居然喺浴室!蔣雅文:佢喺我全身XX時跪低

東方新地

更新於 2019年07月23日01:36 • 發布於 2019年07月23日09:01

「旋轉樂園是你眼眸,凝望你開心似龍捲風」是當年由蔣雅文(Mandy)、鄭希怡(Yumiko)和劉思惠(Maggie)組成的3T所主唱的《旋轉樂園》,可謂十分洗腦,之不過三人最後各自發展,身為「文青女神」的Mandy遠嫁台灣及定居當地,打理自家品牌生意。近日Mandy同妹妹蔣雅詩(Ziya)上商台節目《公子會》宣傳新書,席間大爆老公朱經雄求婚經過,Mandy仲自爆:「我全身赤 裸」,究竟當時嘅情形係點?聽聽佢點講!

 

撰文:東方新地|圖片來源:新傳媒、instagram、電視截圖

蔣雅文《公子會》爆老公求婚經歷

現年36歲的蔣雅文(Mandy)和妹妹蔣雅詩今年合體推出攝影遊記《花飛》,二人近日四出宣傳新作,其中一站就上咗商台節目《公子會》,貴為「文青女神」的Mandy被問到同老公朱經雄嘅相識經過,佢話朱經雄同佢講嘅開場白係「我在學校是讀哲學系。」Mandy說:「哲學系對我嚟講,就係你完全聽唔明佢講咩嗰種男仔,而且佢又要好proud of自己讀哲學系呢樣嘢。傾唔夠兩句就想帶出呢個經歷。」所以第一印象係覺得對方「好作狀」,及後的第一次見面,對方仲約她到誠品書店見面,更要她走到某層最入的文學區找他,但時間耐了認識多了,卻被對方的「老派」和內在的「老靈魂」吸引住。

試探求婚方法

講到求婚,Mandy話更大爆老公當年向她求婚的經歷﹐朱經雄曾試探過Mandy對在馬拉松比賽終點求婚的看法,但Mandy不喜歡在眾人前去發生這件人生大事,所以斷然反對。因為馬拉松求婚被ban了,朱經雄居然諗到喺私人地方 — 浴室求婚,Mandy話:「我好怕黑,佢成日趁我喺浴室沖涼時熄燈整蠱我,咁嗰次佢又想熄我燈,熄咗之後我喺入面鬧啦,喺我講緊啲最粗俗嘅台語嘅時候,佢突然間打開門,喺我全身赤 裸,洗濕晒個頭,成身都係泡沫嘅時候,佢喺我面前跪低!咁我就話『你閂返度門先啦!』但佢就禁住度門講『你應承咗先啦!』佢威脅我喎。」

最後真正的求婚竟然是發生在浴室,令Mandy大呼「我寧願佢喺馬拉松終點求婚!」
最後真正的求婚竟然是發生在浴室,令Mandy大呼「我寧願佢喺馬拉松終點求婚!」

 

Mandy續說︰「雖然佢個樣佢啲眼神好誠懇嘅,佢仲有少少淚光,佢話『你可唔可以嫁畀我?你願唔願意以後同我一齊生活』但係一隻手又用好粗魯嘅行徑推住度門,唔俾我拉埋喎,你要想像一下我全身冇著衫嘅情況之下,我話『你出返去先啦,我陣間先同你傾好冇?』佢話『唔得,你依家就要俾個答覆我』我話『是但啦,是但啦,你畀我沖埋個涼先啦』。」結果,呢位文青女神喺呢個場面下Say Yes!

Mandy同妹妹合體推出攝影遊記《花飛》喺書展期間推出,二人去咗商台多個節目做宣傳,Mandy喺IG話:「真心覺得我地兩姐妹上節目好嘈」

3T各自發展

蔣雅文、鄭希怡(Yumiko)和劉思惠(Maggie)所組成的3T不但曾在多個公開場合演出,隨後亦曾推出過唱片《少女蝶》,但可惜3T最後各自發展,只有Yumiko繼續留在娛樂圈,而Mandy和Maggie則淡出樂壇,Mandy更遠嫁台灣,打理自家品牌生意。

蔣雅文、鄭希怡相約敍舊

今年3月Mandy返港出席活動,隨後就相約好姐妹Yumiko、Yumiko老公梁學儲(Andy)、吳浩康(Deep)等一眾好友打邊爐相聚,Yumiko還留言表示:「I miss u……. Mandy」

 

View this post on Instagram

I miss u……. Mandy ❤️ #3T #少女蝶🦋 #人妻ed

A post shared by 鄭希怡 yumiko cheng (@yumiko.chengy) on Mar 21, 2019 at 9:40am PDT

 

 

當年,Mandy與李逸朗(Don)所合唱的歌曲,有很多都很好聽,而且在年也十分火紅!

 

 

0 0
reaction icon 0
reaction icon 0
reaction icon 0
reaction icon 0
reaction icon 0
reaction icon 0