剛於華鼎獎獲雙料視后的惠英紅，又憑劇集《鐵探》角逐《萬千星輝頒獎典禮2019》視后和「最受歡迎電視女角色」，氣勢相當強勁。身在內地拍攝節目的她，接受東網訪問時，表現興奮，直言闊別10年再返無綫拍劇，又遇上一個好劇本及對手，如今又順利入圍的確開心，她說：「近年好多觀眾都看外購劇，所以少咗人留意本地劇，其實我喺無綫好多年，一啲成就都冇，幾傷我自尊心，所以有提名已經滿足。（想拎獎？）梗係想，但亦都想姜皓文、黃智賢同袁偉豪都攞，最好大滿貫攞『最佳劇集』啦！」
東網網站 : https://on.cc/
東網Facebook專頁 : https://www.facebook.com/onccnews/