今日是無綫52周年台慶，因社會動盪，原本《萬千星輝賀台慶》易名為《珍惜香港 發放娛樂 TVB 52年》，更將今晚直播改為錄影。據知12月7日舉行的《歡樂滿東華》，鑑於目前社會氣氛亦考慮改名。
《歡樂滿東華》是無綫與東華三院合作多年的籌款節目，本計劃日內舉行大型記者會，不過有指大會連記者會也決定取消。由於《東華》是馬拉松式現場籌款，過往有些折子戲會可事前錄影，但表演環節全錄影就不大可能，有關節目詳情仍有待雙方開會商討。
東華董事局主席蔡榮星回覆東網：「今日開會大家係有傾過改名呢個問題，因為人哋覺得歡樂呢兩個字，喺依家咁撕裂嘅環境下，有可能覺得『善心』好啲呢，因為今年口號係善心、同行，所以係有呢個建議，但未落實，無論點都好，東華係慈善機構，係好有心服務普羅大眾。（有話記者會都取消？）依家同無綫傾緊，等無綫安排。」蔡生語帶感觸說：「自己做咗東華幾十年，希望盡量做好個騷。（擔心善款壓力？）都會，相信善長有善心，唔好太悲觀。」
東網網站 : https://on.cc/
東網Facebook專頁 : https://www.facebook.com/onccnews/
