無綫處境劇《愛．回家之開心速遞》「六美飯團」中的劉思希、呂慧儀、湯盈盈、姚瑩瑩、何綺雲近日在劇中變身美少女戰士，擺出卡通片中的經典甫士，引起網民討論，激讚她們的搞笑扮O野能力，將美少女戰士「神還原」。
網民看到笑爆肚，原來拍攝時眾人也笑到頻頻NG，劉思希笑說：「因為嗰日得五個人，原本係講「六美飯團」，咁我就即興提議不如擺個美少女戰甫士，阿蟹（呂慧儀）就即刻上網搵，大家就即學即拍。但係實在太好笑，我哋自己拍嗰陣都忍唔到笑，NG咗好多次。」
劉思希又指有留意網民留言指尚欠「禮服蒙面俠」出場，網民提議可由劉丹或歐瑞偉扮演，更提議可開拍「美少女戰士」單元故事，她笑說：「好開心網民咁鍾意，仲讚我哋神似卡通角色，呂慧儀就長腿性感，我就冷靜有智慧，哈哈。」
東網網站 : https://on.cc/
東網Facebook專頁 : https://www.facebook.com/onccnews/
