現階段官方只發布了一張Mercedes-Benz首席設計師Gorden Wagener與Virgil Abloh相片，9月8日就會正式發布詳情。（互聯網）Off-White Fans留意番，今次合作同之前Virgil Abloh x IKEA聯名系列一樣係以個人名義，但相信設計都離不開嗰啲「黑白斜間」同「雙引號」，可能條G-Class車匙會吊住個紅色「ZIP TIE」。（互聯網）幻想唔到Virgil Abloh x Mercedes-Benz G-Class會係咩樣？外國有大量「參考圖片」畀你慢慢欣賞。（互聯網）2017年，A BATHING APE於新加坡舉行期間限定店，都曾經將一部G-Class換上迷彩圖案塗裝。（互聯網）上年，A BATHING APE就聯同德國玩具車品牌Schuco推出一款1：43比例的ABC CAMO長陣G550L。（互聯網）今年《PUBG》x A BATHING APE聯名合作推出，品牌亦特別將一部G-Class換上特別版迷彩圖案塗裝。（互聯網）去年，潮流教父藤原浩就於《CONCRETE JUNGLE》入面介紹自己從30歲起至今已經先後擁有包括：G320、G36 AMG、G500、G55 AMG、G63 AMG、G65 AMG等8部不同版本的G-Class。（互聯網）藤原浩現時亦同時擁有G65 AMG（左）及G63 AMG（右），而且兩車都是採用低調有型的啞黑設計，證明潮流教父對G-Class真係好專一長情。（互聯網）早年Kylie Jenner仍與Rapper Tyga拍拖時都有駕駛男友所送的G-Class，仲要被媒體發現架G-Class原來之前Tyga送過畀舊女友Blac Chyna，分手後Tyga就噴過另一隻色送畀Kylie Jenner。二手車唔緊要，但記得要轉車牌。（互聯網）Kylie Jenner早前亦將另一架比起G63 AMG更加巨大的G500 4x4噴成鮮橙色，去襯番另一架Lamborghini Aventador SV LP750-4。（互聯網）Kylie Jenner依家老公Travis Scott同樣係好車之人，除了擁有LaFearrai、Lamborghini Aventador同Bugatti Chiron多部超級跑車外，他更有全球限量99部的Mercedes-Maybach G650 Landaulet。（互聯網）相信就算大家對汽車的認識唔係好深，但應該總有聽過或者見過Mercedes-Benz G-Class呢個車款，因為好多Hip Hop Rapper、當紅明星以至日本潮流教父藤原浩都係揸呢款車，G-Class極有可能是汽車媒體版面以外曝光最多的車款。
合作打造聯名企劃
嚟緊應該會更加被潮流界洗板式狂煲，因為日前Mercedes-Benz宣布品牌首席設計師Gorden Wagener將會與時裝設計師Virgil Abloh合作打造聯名企劃「Project Gelandewagen」，慶祝1979年面世的G-Class四十周年之喜。
改動概念成謎
雖然現階段無任何相關圖片發布，但根據Virgil Abloh一直以來堅信3% Rule設計理念推測（即係不會改動任何經典設計超過3%），就算真係有聯名車款推出，改動應該都只限於眼見的外觀方面（我講拉花貼紙，唔係改包圍啊），如果你係玩開AMG或者BRABUS版本追求熱血外觀及終極性能嘅Die-Hard Fans，呢啲咁「Hype」嘅G-Class你唔會有興趣架喇，留番畀啲後生仔買嚟襯Off-White自拍呃Like啦！
東網網站 : https://on.cc/
東網Facebook專頁 : https://www.facebook.com/onccnews/
