歌手JW（王灝兒）家姐王仙兒（Cindy）今日生日，JW喺社交網晒出多張姊妹合照慶祝，公開女神級家姐樣貌，引起大批網民熱議，大讚兩人係索爆姊妹花！
從事律師嘅Cindy不但樣靚身材正，更美貌與智慧並重，佢同妹妹JW一樣笑容甜美迷人。曬得一身陽光蜜糖膚色嘅Cindy，不時喺社交網大晒性感水着相，騷出完美身材，美腿及腹肌都相當吸睛，睇到網民嘩嘩聲！
Cindy同妹妹同樣係唱得之人，唱功絕對拍得住身為專業歌手嘅JW！熱愛唱歌嘅Cindy亦曾表示非常羨慕妹妹能夠成為職業歌手，但後來認真想過後，自問無法做到高EQ及承受幕前壓力，惟有將唱歌當成一個興趣。
此外，Cindy於4年前已經成為人妻，下嫁外籍丈夫Paul，兩公婆經常分享恩愛生活，令人羨慕。
東網網站 : https://on.cc/
東網Facebook專頁 : https://www.facebook.com/onccnews/
