華為5G手機P40、P40 Pro 及 P40 Pro+ 於最近發布,到底呢部華為5G手機有幾勁? Huawei華為不嬲都以影相出名,今次P40 5G系列更比以前產品升級不少,而香港於4月9日更舉行發布會,小編立刻為大家製作重點懶人包!

撰文:NM賭俠|圖片:Huawei華為

華為5G旗艦手機P40、P40 Pro 及 P40 Pro+

是次華為5G旗艦手機P40發布會,基本上重點都係介紹P40、P40 Pro 及 P40 Pro+影相、拍片有幾勁。華為5G P40系列沿襲以往出色影相能力,全系列三部電話均配備 1 / 1.28 吋感光元件,採用2.44μm大單位像素,有助提升進光量。同時備有 10倍光學變焦,基本上與一部單反相機無異。

華為5G旗艦手機P40、P40 Pro
10倍光學變焦
華為5G P40系列沿襲以往出色影相能力
具防水性能
真實照片
聲稱比 iPhone Pro Max 拍片出色,因感光度較高

 

AI Golden Snap功能 自動揀選最佳圖片

華為5G手機P40、P40 Pro 及 P40 Pro+ 加入AI Golden Snap,功能會自動選取最佳照片、自動將路人「消失」、自動篩走「鬚郁濛」相片等等。自動對焦方面亦大幅強化,採用全像素八重相位偵測自動對焦,就低光算黑夜夜拍一樣能夠快速對焦。

AI Golden Snap功能

 

「AI Remove Reflection」自動清除反光面

華為5G手機P40、P40 Pro 及 P40 Pro+ 亦新增「AI Remove Reflection」,功能上可自動清除反光面,如玻璃反光,例如用家經過一間商店,見到 window display 好靚,然後拎出相機影相,「AI Remove Reflection」便會清除 window display 玻璃嘅反光效果,令圖片更清楚。

「AI Remove Reflection」自動清除反光面

 

鏡頭設計至少靚仔

講完功能,講下設計,真心地鏡頭設計上確實幾靚仔,起碼唔會鬼五馬六,唔會似珍珠奶茶或麻雀先。

鏡頭設計至少靚仔

 

華為5G旗艦手機P40、P40 Pro 及 P40 Pro+ 相機現規格

P40:擁有3鏡頭,除5,000萬像素(f/1.9) 主鏡頭,另具有1,600萬像素(f/2.2)超廣角鏡頭及800萬像素(f/2.4)長焦距鏡頭。

P40 Pro:擁有4鏡頭,除5,000萬像素(f/1.9)主鏡頭,另具有4,000萬像素(f/2.2)超廣角鏡頭及1,200萬像素(f/3.4)長焦距鏡頭,更備有ToF雷達深感鏡頭。

P40 Pro+:擁有最強5鏡頭,除5,000萬像素(f/1.9)主鏡頭,另具有4,000萬像素(f/1.8)超廣角鏡頭、800萬像素(f/4.4)10倍變焦鏡頭、800萬像素((f/2.4)3倍變焦鏡頭,以及ToF雷達深感鏡頭

Deep Sea Blue
Silver Frost
Blush Gold

 

另一重點! 極速無線充電

是次華為5G手機P40、P40 Pro 及 P40 Pro+ 可配備一個40W 無線充電器,大家都知市面上一般無線充電器好慢,但是次華為無線充電器配備40W ,所以很快便可以充好電。

極速無線充電

 

同場加映

iPhone 12四筒設計4鏡頭諜照曝光! 蘋果Apple終於採用全螢幕 iOS 14露玄機│我係果粉

Comment 0

    最多留言