講起DJ，好多人都會第一時間諗起森美、小儀，又或者係「音樂情人」鄭子誠呢啲電台節目主持，不過今次《主播GoGoGo》講嘅DJ並唔係呢種，而係打碟嘅DJ！
DJ Lorry除咗係樂隊MP4成員，推出過《九龍皇帝》、《乜嘢係戀愛》等歌曲外，亦係一個Disco DJ，打碟年資26年，曾經喺香港、上海、廣州等地做駐場DJ，並喺內地、馬來西亞、新加坡巡迴演出過，佢今次接受主播嘉琪訪問，就分享咗唔少做DJ時嘅趣事，自爆試過有客人為咗聽佢打一首歌，而畀咗一千蚊佢！但Lorry都仲係好唔情願喎，到底係咩歌令佢咁掙扎呢？佢又話曾經有客人畀過「天價」貼士，令佢畢生難忘，更大爆有女DJ扮嘢「呃飯食」，竟然都冇事！
除咗大談DJ生涯遇過嘅難忘事之外，Lorry仲會即場教嘉琪打碟，更誇下海口會將佢打造成2020最出位女DJ！到底零音樂天分嘅嘉琪學唔學得識呢？咁就要睇今集嘅《主播GoGoGo》喇！
東網網站 : https://on.cc/
東網Facebook專頁 : https://www.facebook.com/onccnews/
