《金宵大廈》快將開拍第二輯,邀得伍詠薇再次為無綫披戰衣。
《金宵大廈》快將開拍第二輯,邀得伍詠薇再次為無綫披戰衣。
陳山聰、李施嬅繼續演情侶?不過故事和角色肯定有變。
陳山聰、李施嬅繼續演情侶?不過故事和角色肯定有變。
黑貓「靚寶」肯定會上陣。
黑貓「靚寶」肯定會上陣。
李施嬅今次的職業仍是空姐?
李施嬅今次的職業仍是空姐?
伍姑娘被受考驗,飾演有神經質角色,難度極高。
伍姑娘被受考驗,飾演有神經質角色,難度極高。
「膠罐」林子善繼續惡搞?
「膠罐」林子善繼續惡搞?
「林哥仔」張彥博繼續變喵星怪獸?
「林哥仔」張彥博繼續變喵星怪獸?
「佳爺」黃子雄(右)繼續咁勞氣?
「佳爺」黃子雄(右)繼續咁勞氣?

無綫神劇《金宵大廈》口碑、收視俱佳,而八月將開拍第二輯,今次主角是陳山聰、李施嬅連同貓貓「靚寶」都會全部上陣。第二輯會有十個單元,每個故事都圍繞着貼身的社會問題,當然故事亦會繼續在「金宵大廈」裏面發生。

第一輯中,山聰、施嬅分別演兩個角色,而監製葉鎮輝則表示:「佢哋今次好大挑戰,唔只飾演兩個角色咁簡單。」此話會為兩位主角增添不少壓力。

《金宵2》故事全新,之前趙希洛就憑該劇中飾演憶子成狂的「王敏儀」而奪得「最佳女配角」,至於「林哥仔」張彥博、「膠罐」林子善及「佳爺」黃子雄等劇中主要人物都有份繼續拍攝。

而最新消息,山聰的「家姐」伍詠薇都會加入拍攝,在其中一個單元中會有演技大爆發,飾演一個性格神經質的角色。山聰接受訪問時時坦言自2004年跟「家姐」伍姑娘合作《大唐雙龍傳》後便沒有機再會合作:「家姐返嚟(無綫)拍劇梗係開心啦!暫時好多嘢都度緊,不過今次好似監製自己上陣拍番,所以都好有信心,而且我同施嬅係以愛情故事形式演繹,不過已經唔再係阿蕭同(陳山聰飾演的管理員阿蕭)Alex(李施嬅飾演的空姐)。」

說到監製透露今次不只兩個角色,會否很大壓力時,山聰解釋:「真心講,依家仲未殺到埋身我都未知,我要拍埋《超能使者》先,希望到時有半個月時間畀我慢慢消化吓個角色。」

而伍姑娘接受訪問時坦言自2013年《法外風雲》後都沒有拍過無綫劇集,之前自己都有收看《金宵大廈》,故現時有機會參與拍攝很開心,她謂:「我同細佬山聰都有16年冇合作,終於大家可以玩吓,睇吓會有咩火花,同屋企人合作係開心嘅,16年前大家都唔同質地,依家大家都成熟咗。」

說到今次角色有點神經質,甚有難度,她謂:「所以我好期待,尤其自己咁鍾意演戲,我個角色係一個好有想法嘅人,我個單元唔係靈異嘅,但要同個對手好合拍!(角色似你?)唔好話似我,我平時係玩得好癲,但演戲就好認真,個角色其實都係一個悲劇人物,社會上都有好多呢類人,依家自己都做緊功課,好期待,我唔會影衰個細佬嘅。」

東網網站 : https://on.cc/

東網Facebook專頁 : https://www.facebook.com/onccnews/

Comment 0

    最多留言