上回為大家介紹了有愛的小店月餅,在中秋傳達一點心意,今次就介紹兩個年輕品牌,他們都有一個共通點,就係創新!無論喺包裝上定味道上都鍾意搞搞新意思,樂此不疲,唔講咁多,即刻去文。

搵食CONY中秋撐小店系列.二

月餅都可以詩情畫意?

由80後情侶檔開設的人氣網上餅店Valerie,流心奶黃月餅便是他們打響頭炮的成名作,而其後研發的宇治抹茶月餅更深受大眾喜愛。二人曾於米芝蓮餐廳工作,對食物要求甚高,不設立門市亦是不想為了租金而將貨就價,而且每件月餅均由人手製作,因此每年到了這個時候,他們都不會接其他訂單,專心做月餅。

今年品牌換上全新包裝:「花間小兔」和「秋月春花」,充滿詩情畫意。

今年Valerie為了慶祝四週年紀念,特意推出限量特別版「花間小兔」月餅禮盒。由黃柏高的餐廳品牌設計師Fay Sze設計,宛如一個首飾盒,還有一隻可愛精靈的白兔在花叢間躲起來,設計活潑而不失優雅,用來送禮就最得體。

「花間小兔」月餅禮盒$368:有齊兩款招牌月餅,流心奶黃月餅香滑細膩,而宇治抹茶月餅茶味香郁。
盒子分為兩層,可以好像首飾盒般拉開。

雖然他們沒有門市,但今年中秋亦有設pop-up store,每天提供少量月餅現貨及王牌產品蝴蝶酥,亦有首次登場的秘製地中海日曬番茄醬。由於數量有限,大家記得先致電查詢貨量才前往選購。

Valerie Pastry Pop-up Store
日期:即日至9月24日

地址:銅鑼灣地帶2樓214號舖

查詢:9370 5426

網上訂購:官網Ztore 

懷舊皮囊包住創新月餅

「四喜麵包西餅」個名聽落好老派,但其實同樣由80後麵包師傅主理,而「四喜」有「四圍起」、長做長有的寓意。他們的招牌奶黃月餅,餅皮近似曲奇皮,易碎但香脆。又以既懷舊又搞鬼的紙盒包裝吸引眼球,以嫦娥、吳剛和玉兔為主角的設計最為人熟悉,今年更推出「月老示愛」禮盒,月老向你單眼,畀心心手勢,就算最後緣分未到,都畀佢冧到。

月老示愛(奶黃月餅四件裝)$95:唔止《全民造星》姜濤畀心心,連月老都緊貼潮流! 

除了包裝上不斷推陳出新,每年中秋他們都會推出全新口味的月餅,好似今年就創作出「花生醬味奶黃月餅」。香港人無論食腸粉、西多士,還是夾麵包,都會見到花生醬的縱影,所以新口味可謂別具本土特色!要平衡奶黃和花生醬的味道絕不容易,他們由年頭開始試做,終於研發出今次的新口味。

花生友(花生醬奶黃月餅-四件裝)$95

至於包裝方面,一如既往,以懷舊風包裝玩味十足的設計,不但盒上印上潮語「花生友」,盒邊又寫上「食住花生等賞月」的字句,語帶相關,教人會心微笑。雖然他們的包裝沒有傳統月餅的矜貴感覺,然而土炮設計卻予人貼地感,送給同輩份的朋友仔一定唔會俾人嫌悶。

食花生完全係港人生活日常,呢盒「花生友」就啱晒啦!
盒邊都好有心思,好難唔相機食先。

四喜麵包西餅
地址:長沙灣青山道500號百美工業大廈地下B6-8號舖
查詢:3957 0883
網上訂購:Ztore

Comment 0

    最多留言