荷里活影星「肥尊」尊特拉華達（John Travolta）於七十年代憑歌舞片《油脂》大紅，一招「指天篤地」腿張開嘅舞姿，更殿定佢一代舞王嘅地位，估唔到40年後內地小生黃曉明都要挑戰！近排黃曉明主持嘅內地節目《乘風破浪的姐姐》，只係播咗兩集，內地累計播放量已達14億，成為網民熱話，同時更有唔少藝人同網民，個個身㾗癮起，大展身手跳番part舞。身為主持人嘅黃曉明，出名靚仔做戲勁，跳舞又點睇？佢網晒跳舞片，喺拍之前匿喺化妝室試跳，本來都冇乜問題，但係正式要拍時，唔知點解狂NG。
經過N次嘅NG後，黃曉明終於順利1 Take過，呢段片仲有36萬網民畀Like添！咁多Like，唔通跳得好勁？由於片中嘅黃曉明舞姿生硬，四肢唔協調，期間更好似肥尊咁指天篤地，好多網民都話佢超可愛同爆笑，更加有網民話黃曉明都係做番本分拍戲好過：「你還是算了吧！」、「曉明oppa真可愛！」、「John Travolta看到後，會否氣死？」、「手腳不太靈活吧！」
東網網站 : https://on.cc/
東網Facebook專頁 : https://www.facebook.com/onccnews/
