請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

娛樂

駱振偉新秀冠軍入行13年!終圓夢推處男單曲

娛樂 on LINE

更新於 2020年07月15日07:53 • 發布於 2020年07月15日07:53 • 機

 

新秀冠軍出身的駱振偉入行13年,終於擁有屬於自己的歌曲。
新秀冠軍出身的駱振偉入行13年,終於擁有屬於自己的歌曲。

在ViuTV音樂節目《Chill Club》中當主持和演繹別人的歌廣受好評的駱振偉(Thor),多年來以主持和拍劇為主,但其實他是2007年的新秀歌唱比賽冠軍。不過13年來Thor都無緣擁有自己的歌曲,直至最近終有機會推出首支個人單曲《成熟•不了》,老婆更力撐陪拍MV。

第一次拍個人MV,Thor才真正體會到拍攝MV有多累。
第一次拍個人MV,Thor才真正體會到拍攝MV有多累。

新歌《成熟 • 不了》獲the Chill Club Band和梁栢堅加持,包攬曲詞編監的工作,令Thor藉此曲唱出入行多年的心聲。今次第一次當主角,Thor份外緊張,與導演構思如何拍攝MV時也思前想後。Thor說:「都有諗過拍個故仔,搵其他人幫手,但大家覺得我未試過係整個Project嘅主角,今次應該出多啲鏡。導演好有心機,用咗一個最真誠嘅方法,簡單地拍一個MV俾觀眾。」Thor一直以為拍MV好舒服,但因為要邊拍邊唱,再加上演出時眼神要堅定用神,Thor才真正體會到拍攝MV有多累,不過卻十分享受這次的全新體驗。

Thor笑言身邊有咁多人為自己做嘢,內心只識不停「嘩!嘩!嘩!」。
Thor笑言身邊有咁多人為自己做嘢,內心只識不停「嘩!嘩!嘩!」。

Thor首次做主角坦言有壓力,也感到受寵若驚,他說:「雖然入行十幾年,但鏡頭長期對住我嘅機會不多,所以一roll機,我係feel到緊張、有壓力,因為唔單止首歌係屬於我咁簡單,喺我身邊仲有咁多人為我做嘢,嗰刻內心只係識得不停『嘩!嘩!嘩!』,實在好感激大家幫我完成MV。」

甚少探班的丹麥籍太太Katrine亦有現身打氣。
甚少探班的丹麥籍太太Katrine亦有現身打氣。

為答謝大家,Thor拍攝當日就請經理人幫忙買飲品慰勞工作人員,而向來甚少前來探班的丹麥籍太太Katrine亦有現身打氣,令Thor十分感動,他說:「我做嘢一向好專心,唔鍾意人打擾我,所以老婆好少嚟現場探班,但嗰日佢都話嚟睇下我,好難得。」

近日有網民批評Thor的唱功,他直言自知有不足之處,會照單全收。
近日有網民批評Thor的唱功,他直言自知有不足之處,會照單全收。

在競爭激烈的樂壇裡,Thor了解到身為歌手,只有唱出水準才能過關,所以即使近日看到有網民批評他的唱功,他也照單全收:「我都會努力改善,唱好每一首歌,感動每一個聽眾。」

撰文:機

0 0
reaction icon 0
reaction icon 0
reaction icon 0
reaction icon 0
reaction icon 0
reaction icon 0