「視帝」王浩信與馮盈盈出席無綫節目《流行經典50年》，盈盈谷出三吋事業線，非常吸晴。問到是否想與薛家燕硬撼？盈盈即解釋：「都係想尊重場合，想襯番呢個咁華麗嘅舞台，不過我今次唔係表演唱歌，但都表演同聲音有關嘅嘢。（係咪嚟伴舞？）對上一次已經為張頴康伴咗，但因為今次劇入面嘅演員歌藝精湛，令人聽到如癡如醉，所以我都係唔唱。」
至於王浩信表示今次唱鄭伊健的歌曲《甘心替代你》，指這首歌是配合劇集《反黑路人甲》的主題。講到他在《反》劇中唱意大利歌劇《我的太陽》，浩信指事前已排練一個多月：「其實首歌好長，不過cut短咗，好多謝大家一路支持，希望收視過30點，可以唱番畀大家聽。」
東網網站 : https://on.cc/
東網Facebook專頁 : https://www.facebook.com/onccnews/
