26歲的馮盈盈自從早前跟拍拖4年的醫生男友Martin分手之後,身邊不乏異性徘徊左右,先是跟無綫的大隻仔主播鄭衍峰(Leonard)傳出緋聞,之後又被影到孖住好姊妹江嘉敏一齊上何家公子何猷亨的豪華遊艇開P,被指成功釣金龜。
不過船P之後,馮盈盈疑似找好姊妹江嘉敏做擋箭牌,聲稱是好姊妹請她上船,令江嘉敏硬食死貓,二人關係更有傳因而決裂。馮盈盈就似乎未有因為事件而影響心情,今日繼續出海Happy,更在IG公開一張著住緊身潛水衣坐在船尾的靚相,大騷美腿,更留言說「快樂會隨波浪而來,總有一天會找上你」未知是否在暗示愛情找上門,蜜運當中呢~
引人注意的是,馮盈盈出post之後好姊妹江嘉敏都有留言:「着番件防囇衫去玩,終於唔會囇黑晒。」看來兩姊妹感情未有因為船P事件而受影響,搞笑是有網友竟然直接留言問:「你哋唔係不和咩?」