58歲金鐘獎視帝馬景濤早前被傳因家暴、「吃軟飯」等原因致與第二任妻子吳佳尼結束十年婚姻，火爆嘅馬景濤當時已經忍無可忍，發出律師聲明指有關傳聞全屬無中生有及要求賠償！事隔一個月，馬景濤一早就收拾心情，呢兩日仲喺社文網宣布做爺爺添！
佢晒出一張頭貼頭合照，興奮發文指：「哇哦！我做爺爺啦！恭喜吾兒海濤當爸爸啦！」網友就即刻去恭喜佢啦，不過亦有心水清網友指有過兩段婚姻嘅馬景濤，同第一任妻子唐韻生下女兒馬世嬡，再與第二任妻子生下2個兒子馬世天、馬世心，最大嘅仔仔依家先得13歲，咁快就做人老竇？
原來馬景濤在合照中攬到實嗰位，其實係佢助理吳海濤，兩人感情相當要好，搞清楚晒人物關係嘅網友都紛紛留言獻祝福，仲大讚佢係「最帥的爺爺」！
東網網站 : https://on.cc/
東網Facebook專頁 : https://www.facebook.com/onccnews/
