「金牌經理人」黃柏高（Paco）以監製身份出席電影《地下拳》特別場放映會，談到有指他早前患病，Paco坦認有此事，但不肯透露是甚麼病，只表示：「多謝上天，係幾嚴重，好彩快搵到個好醫生，做完手術恢復咗，都係以前飲酒太多（肝問題？）唔係，總之身體係首位，依家要暫停飲酒，係最大懲罰，由舊年7月開始，都差唔多戒咗成年，奉勸大家飲少啲，我都叫做大步檻過。」
Paco更指當初發現身體出現很多迹象，需要立即面對：「唔飲得酒，年紀大嘛，又飲咗咁耐，都要踩停佢，重新適應（完全康復？）唔敢大膽講（會減少工作？）咁啱遇上疫情，所有嘢都停，不幸中畀到我多啲時間休息，自己不嬲鍾意工作，但全世界停就畀機會我靜心休養，我衷心希希疫情快啲過，令大家回復正常，更努力喺工作上衝刺。」
東網網站 : https://on.cc/
東網Facebook專頁 : https://www.facebook.com/onccnews/
