50歲天后王菲與前夫李亞鵬所生嘅女兒李嫣上月踏入14歲，出生時患有先天性唇顎裂（俗稱兔唇）嘅佢，先後接受多次手術並治愈，但佢曾表示因呢個情況承受唔少網絡欺凌，故甚少喺社交網分享大頭相。尋日佢喺社交網大方晒出近照，相中佢一頭金髮十分亮眼，愈大愈靚，更添一分野性魅力，而嘴唇位置已無手術痕迹！好多網民都大讚佢愈來愈有媽媽王菲嘅神韻。此外，有網民問佢係咪又轉咗髮色，不過佢就解釋：「沒有再染頭髮啦，只是我是個調色小天才而已」。
東網網站 : https://on.cc/
東網Facebook專頁 : https://www.facebook.com/onccnews/