內地女星迪麗熱巴五官精緻，加上混血臉孔被封為「零死角女神」，平日爽朗兼親民作風贏得粉絲歡心，社交網粉絲追蹤人數快將衝破7千萬！前日（3號）係迪麗熱巴28歲生日，佢上載咗一張望海「影後」照，簡單留言「要開心。要充實。」祝賀自己，雖然生日留言有超過100萬，除咗粉絲同品牌代言，幾乎冇一位當紅藝人送祝福，只有內地組合SNH48成員宋昕冉準時送祝福，似乎人緣差啲喎！
就算迪麗熱巴嘅老闆之一楊冪，以及同屬嘉行娛樂、劇集《三生三世枕上書》男主角高偉光亦未有任何表示，令網友揣測係咪迪麗熱巴就快完約或解約，令雙方因此不愉快，定抑或嘉行旗下藝人為避嫌而未有公開祝福。加上迪麗熱巴新劇《幸福，觸手可及！》正在熱播，同劇嘅黃景瑜、張馨予等演員均未有送上祝福，難怪令網友覺得奇怪。
東網網站 : https://on.cc/
東網Facebook專頁 : https://www.facebook.com/onccnews/
