闊別幕前18年的藝人陳梅馨晚上為無綫節目《流行經典50年》擔任嘉賓，多年不見，身材及外貌依然咁正，保養得宜，零走樣。
陳梅馨表示離開無綫長達24年，問今次為何出山？她謂在朋友圈被邀請，加上喜歡唱歌，故「膽粗粗」答應：「我為咗上鏡減咗十幾磅，今次係我第一次喺螢光幕前唱歌，所以都有啲緊張。我會唱《風雨同路》，因為首歌較易上口，早三、四個星期已經開始練歌。」
至於可有興趣復出幕前？她坦言：「未有人搵我，如果遇到我駕馭到嘅角色都想試吓。（有冇戲癮？）有時睇電視都會諗，如果呢個角色我會點演呢！」而在淡出娛樂圈期間，她以經營飲食生意：「我開咗間上海菜餐廳，我失敗過好多間，失敗完又開。（疫情對你好大影響？）少少啦！唔係好大，我係平價餐廳。」
另外，談到感情生活，她稱現時時單身，問是否眼角高？她否認：「想結婚嘅階段已經過咗，單身都唔錯。」
東網網站 : https://on.cc/
東網Facebook專頁 : https://www.facebook.com/onccnews/
