唔少藝人經常成為騙徒嘅目標，被盜用照片再扮成當事人呃粉絲！陸浩明（6號）就喺社交網透露佢被假冒呃佢啲朋友，好在對方同佢一樣咁醒目，識得inbox問清楚佢，揭發真相！
6號嘅朋友先嚟扮晒嘢，話好鍾意對方，之後反客為主話想約見面，點知「假6號」真係相信，仲問喺邊度見，6號朋友就話：「北京萬里長城第四五段，第十七格石磚。」隨即再加多句話「一睇就知你係假啦，已經舉報咗你！」
6號忍唔住上載二人對話到社交網，大讚朋友聰明：「大家要小心lukho.oo，呢個係假Account！！朋友inbox佢嘅對話先係重點🤪要畀個👍🏻！」
東網網站 : https://on.cc/
東網Facebook專頁 : https://www.facebook.com/onccnews/
