陳柏宇(Jason)的太太符曉薇(Leanne)早前透露於6月發現宮外孕,要切除左邊輸卵管兼終止懷孕,痛失第二胎。原來早前又有hater私訊給Leanne,攻擊他們的2歲女兒Abigail(暱稱「阿標」)是「垃圾、廢物」。
Leanne日前在IG Story透露,有人私訊她並寫道:「你個女正垃圾」、「廢物」,Leanne出文回應:「作為一個公眾人物,週時都會遇到呢啲咁嘅人,通常都係會惡言我本人,極少會對小朋友惡言。我唔會回覆哩(呢)啲人,大家都冇乜必要同哩(呢)啲人理論,因為我相信有報應,你估喺網絡上惡言就唔係做緊壞事?其實當你有壞嘅心態,無論一個動作,就算一句說話,你都種下左(咗)一個因,所以你繼續種吧,承受嘅唔係我,只會係你自己,因為我心態比你強大。」、「想同大家分享平時我哋面對緊嘅事,有啲嘢你哋肉眼睇唔到,係因為我哋都當睇唔到,所以請你哋做一個有同理心嘅人,真係真係唔係每個人都有。」
陳柏宇回應傳媒時,笑言對上一次睇到人話一個BB是垃圾,應該是卡通片或笑片,他認為指一個BB是垃圾很「黐線」。Jason亦表示不會理會這類惡意中傷,亦不必跟對方爭論。
在 Instagram 查看這則帖子
Leanne Fu(@leannefu_1027)分享的帖子 於 PDT 2020 年 9月 月 6 日 11:37 下午 發佈
在 Instagram 查看這則帖子
無出街唔知幾耐 終於帶佢落樓下曬下太陽 放下電 順便陪媽咪去超市 只不過一個鐘都無 已經無曬電 暈左
Leanne Fu(@leannefu_1027)分享的帖子 於 PDT 2020 年 8月 月 15 日 1:47 上午 發佈
撰文:機