天王郭富城（城城）老婆方媛（Moka）日前趁住生日喺社交網大晒幸福，其實佢之前都不時上載生活照，拍下日常點滴同大家分享，加上近期疫情關係，佢仲愈晒愈多，令到豪宅意外曝光！
天王屋究竟係點嘅呢？原來全屋色調以白色為主，睇落相當簡潔，不過講到明天王喎，又點少得名牌「裝飾」呀！從兩人合照所見，就見到客廳中央擺有一大個名牌行李箱作擺設，奢華而不失品味！另外有個櫃就擺滿公仔，唔知係咪兩個女嘅呢？
豪宅又點會冇私人泳池，Moka可以唔使出街放心留喺屋企同囡囡游水！而天台更建有一個一百多平米嘅私家籃球場，隨時打番場友誼波都得！仲有個地方擺滿一盆盆花草植物，仲使乜去維園睇？Moka仲好鍾意介紹佢嘅打扮，喺一段佢教網民Set頭嘅片中，就見到佢身後有個圓形大浴缸，真係勁歎！而為咗可以隨時隨地同囡囡影靚相，佢搭建埋家庭影棚，又有彈彈床，三母女真係五星級享受呀！
東網網站 : https://on.cc/
東網Facebook專頁 : https://www.facebook.com/onccnews/
