過完54歲生日即飛上海拍戲 溫碧霞感恩酒店有露台寫意隔離

溫碧霞剛渡過54歲生日，在港有停不了的生日Party，海潮姨姨唔只外在Keep得好，內在都好少女，點玩都唔會現疲態。尋日，海潮姨姨去咗上海拍科幻推理電影《一萬光年謀殺案》，雖然開工前要隔離，但佢無唔開心，仲因為酒店房有露台，令佢覺得隔離生活如度假而開心。海潮姨姨點過隔離生活呢?佢話「看看劇本，做做運動，看看電影，時間過得很充實，大家請放心啊：）」
睇海潮姨姨貼嘅相，佢換咗運動Bra Top喺床邊嘅瑜伽墊上郁嚟郁去，又拎住劇本喺露台食麻辣鹹蛋魚皮，好寫意。