公民黨立法會議員譚文豪昨晚上在 FB 發佈片段，指自己被有大陸口音男子跟蹤偷拍，對方拒絕表明身份之後逃走；譚文豪今日見記者，透露自上星期已感覺被跟縱，以他所知其他民主派人士都有類似遭遇，他無法確定跟縱者的身份，「係咪大陸國安、落嚟收風嘅人，我唔知道」，但認為對方「不懷好意」，又表示事件顯示，香港已不再安全，日後若國安法生效，情況只會更惡劣，「假如佢哋話『我係國安』，我又可以做咩，可能到時我 confront 佢哋，掉返轉會俾佢哋捉咗上車，直接打包返上大陸」。
他又表示已經報警，和警方交代情況，並將自己拍攝到完整過程的片段交予警方，他表明預料調查會不了了之，「但唔代表我就唔去舉報呢件事」。
譚文豪今日在黨友陪同下見記者，透露自上星期已感覺被人跟縱，但由於上星期立法會審議《國歌法》，金鐘一帶被大量警察包圍，他一度以為跟縱者是便衣警察；他之後刻意改變改開電單車往來立法會，並將電單車停泊在立法會附近街道。
到昨日他離開立法會向政總方向，到連儂牆發現兩名可疑男子，其中一人尾隨他不斷拍攝，於是他就轉身質問對方目的，「佢唔認佢係警察、佢又唔係記者」，並以帶大陸口音的廣東話，辯稱不是拍攝譚文豪，但期間不斷刪除電話中的相片，經過一段時間後譚文豪威脅會報警，尾隨他的男子就拔足逃走。他不清楚對方目的，但認為肯定不懷好意，「提供線索、跟縱我、知道我出行，咁下一步想做咩呢？」
譚文豪透露，以他所知「唔係淨係我一個咁樣俾人影」，其他民主派人士都有類似情況，「睇得出香港已經變得一啲都唔安全」，亦無法防避，「無一個香港人夠膽講係絕對安全」，他又指若國安法實施後，情況只會更嚴畯。
公民黨黨魁楊岳橋表示，事年反映國安法尚未實施，即使普羅大眾亦可能無法倖免， 「聽到手足經驗分享，都有被跟縱嘅擔心、甚至經歷，出入屋企要非常顧慮，呢種白色恐怖已經發生緊」，但強調不會因為恐懼而退縮，重申公民黨反對國安法。
守護言論與新聞自由。立場新聞，寸步不退。
每月贊助支持立場新聞
