d96968b9-d9f9-4369-92eb-efca47fa1145.jpg
謝霆鋒做容祖兒演唱會嘉賓,大呻:「我入咗紙兩年,一次又一次被推翻,再推我就唔開啦。」

View this post on Instagram

真係入咗紙兩年喇!頸都唔知長咗幾多吋🦒🦒🦒 #謝霆鋒 #容祖兒 #prettycrazy容祖兒演唱會 #joeyyung

A post shared by 鋒味曲奇 Chef Nic Cookies (@chefniccookies) on Aug 17, 2019 at 9:28am PDT

容祖兒Pretty Crazy 演唱會第13場請來久未在紅館出現的謝霆鋒當嘉賓,介紹霆鋒時,她說:「如果張敬軒係靚仔,佢係超級靚仔,人平時好chok,但係佢有一顆溫柔的心,因為我見証過!依家我唱佢首名曲先,佢特登喺第二度返來撐我㗎,要用最熱烈掌聲歡迎佢。」繼而祖兒唱出霆鋒首本名曲〈玉蝴蝶〉。

View this post on Instagram

今次我做嘉賓,下次仲唔係你? #謝霆鋒 #容祖兒 #prettycrazy容祖兒演唱會 #joeyyung

A post shared by 鋒味曲奇 Chef Nic Cookies (@chefniccookies) on Aug 17, 2019 at 9:19am PDT

祖兒對霆鋒話:「Hello 大佬!阿仔點解咁耐唔見你,你係咪喺北京忙緊……」霆鋒話:「唔係唔係,我一路喺香港拍戲,前兩日就飛咗去第二度做嘢……」祖兒接著說:「我以為你喺北京過……你呢輪dry唔dry……」搞到霆鋒尷尷尬尬。

cf277e5c-3a17-4d27-8f43-baf259e0d205.jpg
祖兒唱了幾句「你快樂所以我快樂……」,觀眾立即笑聲四起。

接著祖兒言歸正傳,「好開心,今日請到佢來,佢係我家人,一搵佢就答應。」霆鋒話:「記得你搵我嗰日你病緊,我真係聽唔到佢講乜,唔知講咗三個咩字,其實我係估,我就話你唔好講嘢住,你要乜都得,唔緊要。佢剛剛話我特登回來撐佢,其實大家都知,不止我一個,全行仲有好多人都會撐容祖兒,因為佢係一個抵撐嘅人!」聽到霆鋒這番說話,祖兒掩面說:「好感動呀! 謝霆鋒同我講呢啲嘢。」霆鋒說:「我好衰,不值得撐我就不撐㗎啦。」祖兒又再high起來,「我知,你個人夠真,我哋由細玩到大,你成功時我戥你開心,我成功時你戥我開心,歌都有得唱啦:『你快樂所以我快樂……』」搞到霆鋒唔知點回應行走咗,觀眾就笑聲四起。

6b69b2f1-2f58-4a13-86bb-435d23b4b733.jpg
祖兒和霆鋒由細玩到大。

當祖兒叫霆鋒返來,做咩走開咗,霆鋒就話:「你幾時變得咁?」祖兒笑道:「我幾時都係咁,一個開心有安全感環境我就係咁啦,哈哈。謝霆鋒一路好想繼續同大家開演唱會,你地想唔想?」觀眾即刻起哄回答想!霆鋒就突然話:「話時話,我想同呢個空間講,紅館呢個空間呀,我入咗紙兩年,一次又一次被推翻,再推我就唔開啦。」祖兒不知是不是怕霆鋒說話盡得滯,即刻幫佢兜,「鋒哥,千錯萬錯都係我錯,唔好咁講,你知不知我呢個騷都拿了很耐期先有,無論等到邊一日,今年又好,下年又好,總之大家都會等你啦,係咪?」觀眾就報以歡呼聲和應。

19116bf6-e05c-4186-a985-2308c0c04eb2.jpg
二人合唱〈阿門〉時,祖兒不停問觀眾:「係咪好靚仔?」

接著二人邊合唱〈阿門〉,邊唱邊同觀眾握手,祖兒不停問觀眾:「係咪好靚仔?不老的傳說呀,食咗防腐劑呀。」

撰文:機

Comment 0

    最多留言