憑台灣「神劇」《想見你》躍升中港台新男神嘅許光漢，依家仲喺大陸拍攝電影《你的婚禮》，直接升到一線嘅佢，最近就被台媒爆料佢竟然當新人咁要求交培訓費，該訓練計劃更向學員暗示將有得到演出新劇嘅機會，舉動令人𢱑爆頭！
由茄喱啡出身嘅許光漢，當年參加一個演員訓練計劃並演出該劇團劇集而正式出道，近期釋出將舉辦第二期訓練，除邀約新人，亦有向之前嘅學員招手，頻頻暗示將有得到演出新劇機會，不過無論新人定成名藝人，都要先付2萬元新台幣（約5,300元港幣）培訓費。
台媒稱許光漢拍戲檔期爆滿，眼見其他昔日同伴都討論是否再加入訓練，礙於同儕壓力，佢就即畀培訓費，但計劃講明會按「出席率」安排演出機會，許光漢此舉等同「倒錢落海」，明知無暇配合上課或演出，但因不想被指忘恩負義，仍乖乖交錢。
東網網站 : https://on.cc/
東網Facebook專頁 : https://www.facebook.com/onccnews/