藝人陳彥行為苑瓊丹（苑仔）主持的香港開電視節目《開工大吉77》任嘉賓，當年二人因拍攝處境劇而成為好友，大讚苑仔對自己所有事瞭如指掌，絕對稱得上是第二個阿媽，苑仔不時為她留意筍盤，有次見到個獸醫好靚仔，就特別問對方的感情狀況。陳彥行笑說：「睇怕第日我有幸嫁得出，都要跪地斟茶畀佢先報到恩。」
陳彥行性格樂天，於圈中人緣甚佳，當中梁思浩就是好友之一：「佢平時搵拍檔都係牙尖嘴利，偏偏就搵我一齊做節目，佢成日都話我係友誼小姐，佢係一個箭靶，可能我冇佢咁厲害！」
節目間，陳彥行自爆被母親控制多年，終於在30歲「反叛」起來：「當年佢要我去北京讀書，夜晚就搵當地圈中人傾合作，請人食飯都唔知食到幾多錢！返到香港我就搬出去，慢慢自力更生，依家學識咗計數，要為交租、未來做打算。」
東網網站 : https://on.cc/
東網Facebook專頁 : https://www.facebook.com/onccnews/
