香港人係好自私的。
要香港人排隊,得,Godiva 雪糕買一送一啦。
又或者,武漢肺炎死好多人,口罩難求,排通宵又點話。
係,香港人好自私,求生意志都好強。
依家係乜嘢天氣, 30 幾度,焗過焗爐。仲有成村人喺唔同嘅票站排隊,參與一個根本冇法律效力嘅選舉。
係呀,香港人係好自私的。唔關自己事嘅好少會出嚟。
係呀,香港人係好怕死的。為咗求生咩都做得出。
於是你會問,初選啫,關咩事啊。
就係因為香港人好自私,所以將成個香港都當係自己嘅事。
就係因為香港人唔想死,所以就算幾冇用,都想博一線生機。
係咪打國際線,係咪協調到,或者唔係咁重要。
香港人只係想珍惜僅有嘅權利。
有人笑,班友好傻。
班友會大汗疊細汗咁答你,因為佢哋真係好撚鍾意香港。
作者【Patreon】內容農場,在未來會更有政治影響力。/ Facebook
(標題為編輯所擬)
守護言論與新聞自由。立場新聞,寸步不退。
每月贊助支持立場新聞