歌手關智斌（Kenny）即將於網上推出寫真集，今次寫真更專誠去到日本東京取景，誠意十足。而Kenny亦有拍Vlog同大家分享拍攝趣事，一開始佢就帶大家嚟個Room tour，參觀一下民宿，佢更化身「驗樓師」逐一點評，本身佢見到屋內裝修簡約已略有微言，點知原來「內有乾坤」，當佢打開衣櫃就發現所有被鋪都亂糟糟，更有大量雜物，立即扣晒分。
但低處未算低，另一間房內嘅角落位置竟然貼有「膠袋陣」，十足兇案現場相當詭異，原來係屋主用膠袋遮住入面嘅雜物，令Kenny都忍唔住直呼奇怪！而參觀完一輪，Kenny就出動「食好西」，到師兄謝霆鋒推介嘅餐廳覓食，有廚神教路當然有啖好食啦，而自稱「Chef Kenny」嘅佢更趁機向廚師晒出自己嘅作品，獲對方大讚手勢一流，氹得佢即興奮表示：「雖然我得到專業日本壽司師傅嘅認證，但我都唔會自滿。」
東網網站 : https://on.cc/
東網Facebook專頁 : https://www.facebook.com/onccnews/