不知從何時開始，「雪櫃常滿」竟成了普羅大眾彼此間互相的祝福。
這大半年來，柴米油鹽醬醋茶，固之然要有；其他如即食麵、午餐肉、罐頭粟米湯、急凍雞翼腸仔豬扒魚柳薄餅……只要廚房有空間的，都塞呀塞，塞呀塞！大概我們都因為新冠肺炎肆虐而習慣了居家煮食生活，出外用餐？可免則免。近這兩星期，疫情失控，多宗確診感染源頭不明，食肆、街市更成了疫症傳播的高危地，家中平日買餸的重任，全權由媽媽負責，她年紀大了，腳又行得不好，常常問她：「不如幫你網購啦，好不好？」但老人家始終覺得食物要新鮮買才好……
凍烏頭附配普寧豆醬和地獄辣椒醬，倍添滋味。（$128）
上星期，特意帶了一條元朗潮式黃油凍烏頭回家，趁她不為意時偷偷地轉到碟上，當作晚餐的餸菜。夾了兩口魚肉，她冷不防說：「條魚幾好食喎，漏晒黃油，元朗楊氏烏頭嚟㗎？仲配埋普寧豆醬！一睇就知唔係你整。」媽媽是潮州人，喜歡吃魚飯，今次還佐配了普寧豆醬，完全貼合了她的口味。「即食餸菜包，係咪好好味呢？」
用的是元朗楊氏烏頭，肉質緊緻，不帶泥味。
這條凍烏頭來自「五味匣子」，私房廚子Joephy過往做的是私房菜，今年初索性將私房料理變做即食餸菜包，翻熱即食。數年前，我嘗過她們的X.O.醬，好味，見到面書專頁有新出品，便嚷着要試。這回除烏頭外，還點了辣酒煮花螺、川味麻辣豬大腸，生猛花螺由香港仔漁市場直送workshop，夠新鮮，煮得辣勁又入味；麻辣大腸，圈子夠潤夠肥！
既然媽媽對網購即食食品放下戒心，下次我可以明目張膽繼續「嗌外賣」，咖喱土魷魚蛋、玫瑰豉油手撕雞、家常蓮藕黑豚餅……還有麻辣鮑魚雞鍋！
辣酒煮花螺，香辣惹味，佐酒一流。（$88）
川味麻辣豬大腸，肥潤可口，配湯麵也不錯。（$68）
