蕭正楠和黃翠如自從結咗婚之後，就經常玩放閃，最難得佢哋兩公婆玩得開心之餘，一班圈中好友，同埋網友都好配合，大家齊齊玩。好似蕭生放咗張食三文治相，再寫：「每天起身都有個人，等緊你整野（嘢）比（畀）佢食，係一種幸福，應該係除非唔係＃魚糧」呢個時候當然蕭太會有回應，「你咁幸福真羡慕～～～～～～」跟住蕭生又再講，「你咁羡慕真幸福」圈中人就有楊秀惠玩埋一份同蕭太話：「你真幸福」而網友亦加入好多搞笑留言：「夜猛猛啲花槍比您哋耍到爛曬」、「蕭太令你更優秀，成為更好嘅男人，都勞苦功高㗎」、「辛苦哂你啦！仲有排煮，唯有生返個女啦！第日教識個女學煮飯過你食」
