回家後三個工人姐姐跟壽星女切餅慶生。
生日月的栢芝心情超好。
生日早上跟兒子出海去暢泳。
戴住口罩Marcus揀喜愛玩具車。
單手抱住Marcus及挽住名牌袋的栢芝不忘玩自拍。
栢芝抱住Marcus。
細仔Marcus和粉紅名牌手袋都係栢芝最愛。
兒子拎住栢芝名牌袋搞鬼影相。
燒牛肉好吸引。
露筍西班牙火腿沙律。
兩工人姐姐為栢芝唱歌慶生。
另一個工人姐姐抱住細仔。

張栢芝昨日啱啱過咗40歲生日,最感動大仔Lucas(謝振軒)好懂事,全日陪住媽咪,栢芝形容呢個係天下父母最好嘅禮物。而二仔Quintus(謝振南)就喺平板電腦寫上心意字句,仲用栢芝最鍾意嘅名牌手袋顏色襯底,好有心思。
 
正日生日當天,栢芝帶同三個寶貝仔出外慶生,大熱天氣先去暢泳,再帶Marcus去買玩具車,之後扮靚靚,拎住最愛嘅名牌手袋,抱住Marcus出動去食生日飯,生日飯揀食西餐,包括有黑松露芝士焗扇貝、蘆筍西班牙火腿沙律、燒牛肉等,圖中見碟碟幾乎掃清,大人細路應該開心到不得了,Marcus仲車不離手。
 
飯後回家再有驚喜,栢芝獲家傭送上生日蛋糕慶生。原來栢芝家中共有三個工人姐姐,工人姐姐等她回家後切蛋糕,還為她大唱生日歌,看來主僕關係不錯,栢芝就拍片話:「好開心呀!希望每個人都身體健康,呢個係我生日願望。」由於疫情下要更加注重衛生,栢芝叫兒子幫手拍掌,用掌風嚟弄熄爉燭。

Comment 0