請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

娛樂

為佗B戒凍飲 譚凱琪Man爆人妻唔識氹老公

on.cc 東網

更新於 2020年07月05日06:30 • 發布於 2020年07月05日06:30 • on.cc 東網
譚凱琪今次結婚生B絕對唔係一時衝動。
譚凱琪今次結婚生B絕對唔係一時衝動。
譚凱琪覺得女人需要事業。
譚凱琪覺得女人需要事業。
就算結咗婚生完B都唔會做少奶奶。
就算結咗婚生完B都唔會做少奶奶。
譚凱琪多謝老公好包容佢嘅工作。
譚凱琪多謝老公好包容佢嘅工作。
譚凱琪MAN到爆,連老公氹佢都唔知。
譚凱琪MAN到爆,連老公氹佢都唔知。
譚凱琪於《降魔的 2.0》尋愛千年,就像真實的她那麼執着。
譚凱琪於《降魔的 2.0》尋愛千年,就像真實的她那麼執着。
欠了一點姿整忸怩,難怪老公也要求她「女人啲」。
欠了一點姿整忸怩,難怪老公也要求她「女人啲」。
結婚的原因很簡單,就是到了適當時候。
結婚的原因很簡單,就是到了適當時候。

剛加入人妻行列的「女神」譚凱琪,新婚不足半年已宣布有喜,實在令人羨慕。不過鏡頭前仙氣十足的她,現實生活卻Man到爆,不懂浪漫,甚少甜言蜜語,平日出街也不愛打扮,僅花兩分鐘便可出門,反而老公較為細心,曾為她一句閒聊而認真看待,令其哭笑不得。

38歲的無綫藝人譚凱琪(Zoie)於今年3月,宣布與拍拖8年的圈外富貴男友莊日宇結婚,不過醉心演藝事業的她,未有安於享受少奶奶生活,反而繼續追夢。Zoie早前接受東網專訪,大談多年來與另一半的相處之道,透露二人相識之初,對方已明白其工作性質,一直於背後默默支持,從來沒有要求她為愛情放棄事業,令她得以在零壓力下工作。

於鏡頭以外,Zoie對愛情相當執着,當認定一個對象,便會全情投入,任何狀況也不能左右。於事業衝刺期展開人生另一階段,Zoie不認為時機不對:「其實有呢個計劃好耐,只係一直冇去實行,覺得適當時候做適當事,開心事唔需要太收埋,要搵到互相包容嘅對象唔容易,所以唔會諗太多。(幾年後會專注家庭?)睇觀眾接唔接納,除非屋企需要我照顧就會取捨,將事業放輕啲,我覺得女人要有自己事業。」更指婚後生活與以往差不多, 只是多了一個身份及責任,要顧及另一半感受,故雙方也需要適應期。

近月疫症肆虐,令Zoie與老公於屋企朝夕相對,溝通多了,爭拗又是否增多?她笑說:「又真係冇乜,反而咩都拎出嚟講,大家相處咁耐仲有咁多話題,係好難得。雖然依家冇得去旅行,但喺屋企煮嘢食都可以好有情趣,不過我哋都唔浪漫,拍拖冇耐啲真性情就出嚟,我一啲都唔女仔,老公都話呢樣嘢(女仔Feel)初初見過之後就冇,一啲媚態都冇,我哋好Buddy㗎!(老公唔使氹?) 唔會甜言蜜語,我有時都會反思吓,係咪太Man呢?老公有問我可唔可以似女神啲, 因為我兩分鐘就出得街,唔使打扮成個鐘。」

炮製驚喜反應冷淡

既然Zoie缺了女性應有的溫柔,另一半卻反過來處處細心,還把她隨口說的話放在心上:「有次行街我話個公仔得意,當時只係隨意講,點知佢之後就買嚟送畀我,其實我都唔記得有講過,到收到仲問番佢咩事,原來佢咁上心,間唔中都幾有心思。(你有冇為老公做過細心嘅事?)有次佢生日諗住畀驚喜佢,約埋佢啲朋友嚟,但佢好冷淡,因為我冇佢啲朋友電話,所以加埋我啲朋友都係約到幾個人囉!」

不少女星婚後急不及待生兒育女,Zoie於近日亦傳來喜訊,宣布懷有身孕。原來在懷孕之前,Zoie已為未來的小寶寶做足準備工夫:「我想喺身體最佳狀態下懷孕,所以平時都好注重養生,唔飲凍嘢㗎!」

曾萌去意堅持進修

當年18歲便以歌手身份入行,期間去過日本受訓,亦到過台灣發展,兜兜轉轉還是「回流」香港,由有線轉戰無綫,至今已有7個年頭。Zoie自言個性文靜又慢熱,不善於打交道,故一直認為自己不適合做幕前,她說:「有諗過不如同朋友夾份開時裝店,或者再去讀書,校園生活最開心。」幸而近年漸漸於演戲上找到樂趣,才暫且放下創業計劃,不過好學的她也有修讀課程自我增值:「本身都好注重飲食,所以報讀網上營養學證書課程,讀完有興趣先讀埋學位,不過讀番書之後,發覺記性同以前差好遠。」

東網網站 : https://on.cc/

東網Facebook專頁 : https://www.facebook.com/onccnews/

0 0
reaction icon 0
reaction icon 0
reaction icon 0
reaction icon 0
reaction icon 0
reaction icon 0