「徐小姐」造型被指似有夫妻相嘅Bob嫂,Bob嫂Pearl都唔知好嬲定好笑!
唔少網民讚「徐小姐」好靚女!
阿Bob扮過白雪公主。
肥妓女Look又如何?
「徐小姐」造型令人聯想到細細粒(陳嘉佳),兩人曾拍《老表,你好hea!》咀嘴戲。
Bob育有3女1子,一家相當溫馨。

育有3女1子的林盛斌(Bob)反串扮過唔少女人,包括有「嘔心」白雪公主、一樓鳳妓女、經典角色「馮程程」等,每次都令觀眾帶來「驚」喜,昨日Bob又喺社交網貼了反串扮女人相,相中撥弄著長直假髮,面圓圓嘅阿Bob濃妝豔抹,搽咗鮮紅色唇膏突出厚唇,一身OL套裝打扮,留言話:「呢排出街好多人叫我『徐小姐』…..」而網民將焦點落喺「徐小姐」豐滿嘅上圍度,驟眼望至少有C級,網民抵死留言:「小姐你身材好好」、「睇完徐小姐,會想起細細粒」、「真係索到想爆粗」、「見到都發惡夢」、「憂怨嘅眼神,性感嘅厚唇,殺死人咩」、「真係超似你老婆」。
 
原來阿Bob犧牲色相扮「徐小姐」係幫TVB拍廣告套裝,他阿Q精神跟本報記者話:「好多人話我靚呢,哈哈!」
 

Comment 0