由荷李活永遠男神奇洛里維斯主演嘅《 John Wick 》全球大收,續集拍完一集又一集,成為殺手片系列經典之作……咩話?無綫都話要跟風?仲搵咗陳豪同黎耀祥扮港版「 John Wick 」,落實會緊接《 飛虎之雷霆極戰 》後播出㖭!

撰文、圖片:東方新地

陳豪黎耀祥鬥chok扮殺手

呢套港版《 John Wick 》名叫《 殺手 》,日前預告片率先見街,證實所謂港版《 John Wick 》只不過都係以職業殺手做背景,而故事橋段完全唔同!套劇換個角度講吓地下社會、職業殺手與清道夫、殺手中介等等相關行業運作架構,並以黑色幽默手法去帶出救贖嘅重要訊息。由如日中天嘅神級殺手喬星(陳豪飾),以及風光不再嘅潦倒過氣殺手閻武(黎耀祥飾)作為故事骨幹,兩大視帝鬥 chok 鬥演技!

《殺手》故事主要係圍繞當紮殺手紅人陳豪同過氣殺手大叔黎耀祥嘅恩怨情仇。
港版《John Wick》登場!陳豪黎耀祥鬥chok扮殺手、李佳芯重見天日
港版《John Wick》登場!陳豪黎耀祥鬥chok扮殺手、李佳芯重見天日
何遠東今次個角色好妖艷!
仲有笑一笑就已經奸到出汁嘅鄭子誠。
地下社會以職業殺手為中心,亦有唔少輔助工種互相賴以為生,而高海寧就係飾演冷艷高傲行內處理屍體技術一流嘅清道夫。
港版《John Wick》登場!陳豪黎耀祥鬥chok扮殺手、李佳芯重見天日
港版《John Wick》登場!陳豪黎耀祥鬥chok扮殺手、李佳芯重見天日
龔嘉欣身手敏捷,成為新一代殺手界新貴,並與謝東閔飾演嘅關啟揚愛恨糾纏。
港版《John Wick》登場!陳豪黎耀祥鬥chok扮殺手、李佳芯重見天日
黎耀祥雖然係過氣殺手,但就被殺手界新人王龔嘉欣當偶像。
麥明詩喺劇中扮演黎耀祥雙目失明嘅女兒,約滿後改簽一年一騷約,已經唔係無綫親生女,呢套劇可能係十優港姐電視台最後告別作。
《John Wick》玩暗黑,《殺手》就絕對係動漫式處理角色,細節輕鬆得多,唔少演員造型誇張,首推係鍾意玩角色扮演嘅一樓一鳳姐江美儀。
同劇亦有備受無綫力捧嘅江嘉敏,飾演恨入行做殺手兼且係陳豪姪女。

李佳芯雪足年半終重見天日

話說回頭《殺手》其實早喺2018年開鏡拜神,登上2019年電視台月曆仲要係去年節目巡禮重頭推介劇集,點知拖到2020年都過咗一半至出街,話晒兩大視帝攜手演出嘅重頭劇竟淪為倉底貨,因由何在?咪就係因為女主角李佳芯(Ali)去年喺微博失言慘被無綫雪藏,結果導致《 BB大晒》、《白色強人2 》等都被易角,連完成咗嘅台慶劇都冇得出街!見攤足年半、Ali守行為年半,無綫終於肯放套劇重出生天,除咗為清倉,主要都係想試水溫睇吓兩地觀眾對李佳芯嘅反應。想快啲睇到360度無死角李佳芯復工繼續有劇拍嘅,大家就要識做捧場啦!

李佳芯喺劇中飾演為養大囡囡嘅師奶散工王,誤打誤撞成為陳豪助手。
港版《John Wick》登場!陳豪黎耀祥鬥chok扮殺手、李佳芯重見天日
誤打誤撞做咗陳豪助手,個款唔打得都睇得!
單親媽媽李佳芯將於劇中同陳豪有床上戲。
Alin喺入面有多個造型,其中一個係啤酒妹。
Ali呢個造型夠晒搶眼
港版《John Wick》登場!陳豪黎耀祥鬥chok扮殺手、李佳芯重見天日

https://www.youtube.com/watch?v=q9NFyDFIYes

Comment 0