《2020香港小姐競選》今日於電視城舉行第二輪面試，會有廿多位佳麗現身，她們先於晏畫舉行閉門面試，與一眾評審會面，晚上則透過網上直播接受網民考驗。而首先現身康城車站乘搭接駁車到電視城，是現年22歲、主修傳媒系的梁懿婷，她早於中午12時許便到場，身為熱門的她今天似乎跌watt，額頭生滿粒粒，大殺風景。
問到是否壓力大生暗瘡？她說：「都可能係，緊張一定有，不過我有信心，生粒粒因為仲係青春期，呢排都有健身同食素裝備自己。」問到是否改變飲食習慣才生粒粒？她表示：「可能係，其實平時自己唔多暗瘡，係近排先多，都有敷面膜急救。（驚唔驚畀評審話？）都係等3粒啫！」
東網網站 : https://on.cc/
東網Facebook專頁 : https://www.facebook.com/onccnews/
