今日一眾候選港姐着上晚裝拍攝宣傳片，陳楨怡與何孟珊一齊受訪，陳楨怡額頭爆瘡，佢坦言好大壓力，之前上鄭裕玲嘅《港姐有問題》，溫書溫到凌晨4點，壓力大，但都開心成績冇白費。而問到暗瘡點補救？佢話：「早啲瞓，屋企人都有煲湯水畀我下火，而且依家啲化妝好專業幫咗唔少，之前仲嚴重。」而何孟珊就表示自己最大問題係黑眼圈，最近太緊張，瞓得唔好，黒眼圈又深咗，所以都有買嘢嚟按摩吓，希望補救到。
問到星期一再淘汰會否擔心，何孟珊話：「我都驚驚地，我覺得自己表現都OK，但上次淘汰啲佳麗，佢哋都表現得好好，所以都驚。」而陳楨怡坦言擔心，所以要時刻保持最佳狀態。
東網網站 : https://on.cc/
東網Facebook專頁 : https://www.facebook.com/onccnews/
