昨日警方以「國安法」拘捕壹傳媒創辦人黎智英及4名公司高層，更安排大批警力搜查《蘋果日報》大樓，事件引發市民不滿，昨日在網上發起「撐蘋果」行動，呼籲大家一齊買報紙支持。一直都敢於發聲的才女梁芷珊更加直接「課金」1萬元加入「VIP全年撐蘋果會籍」！
梁芷珊回應傳媒時表示昨日看到《蘋果日報》大樓被搜查的直播新聞時，即時決定加入VIP會籍支持，更透露自己當年做作家時，全職第一個專欄就是在《蘋果》副刊撰文，收了黎智英不少稿費，而對方亦成就了她不少夢想，睇看《蘋果》近年為香港人做了很多事，希望出一分力一齊撐下去。
此外，梁芷珊亦有在個人IG公開一張拿着《蘋果日報》的自拍照，留言：「今朝喺屋企已經睇咗，朋友7點幾銅鑼灣買，然後送上我屋企門口；返到公司，公司又一直有訂《蘋果》。A1-A9一口氣睇晒。黎生加油，你為香港的言論出版新聞自由做咗好多；為一種價值做出頭鳥而承受的種種，我們銘記於心。」
梁芷珊之外，YouTuber「JASON(大J) 」亦有在社交網貼上《撐蘋果計劃》的連結「課金」1萬做VIP，更表示：「其實如果真係撐，不如直接課金啦。」
